ស្អាតដូចកូនស្រីអភិជន ដោយរ៉ូបផ្កានៅថ្ងៃដើមសប្តាហ៏

សេចក្ដីលម្អិត

ចេញ​ផ្សាយ​នា ព្រហស្បតិ៍, 22 ឧសភា 2014 11:27

ដោយរចនាម៉ូតបែបក្មេងៗ សំពត់រ៉ូបអស់ទាំងនេះនៅតែមានភាពទន់ភ្លន់ សមជាសុភាពនារី ថ្លៃថ្នូរ។ ពិសេសភាពសម្បូរបែបនៃ ផ្កាភ្ញីធ្វើឲ្យអ្នកស្លៀក លេចធ្លោ ក្លាយជាស្នូលនៃអង្គពិធីឬ គ្រប់ទីកន្លែងដែលគេមានវត្តមាន។

អាន​បន្ត៖ ស្អាតដូចកូនស្រីអភិជន ដោយរ៉ូបផ្កានៅថ្ងៃដើមសប្តាហ៏

ខោស្លីបរំញ័របញ្ជាពីទូរស័ព្ទដៃសម្រាប់គូស្នេហ៍នៅឆ្ងាយ

សេចក្ដីលម្អិត

ចេញ​ផ្សាយ​នា សៅរ៍, 08 កុម្ភៈ 2014 15:48

និពន្ធ​ដោយ Postkhmer

ក្រុង​ឡូ​ស​អេ​ន​ជឺ​លេសៈ តាំងពី​យូរយារ​ណាស់​មកហើយ​ដែល​គូស្នេហ៍​នានា បាន​ប្រើ​ទូរស័ព្ទ​តេ​ហៅ ឬ​ផ្ញើ​សារ​ឬ​រូបថត​សម្រាប់​ទំនាក់ទំនង​គ្នា​ដើម្បី​បង្កើន​ភាព ស្និទ្ធស្នាល។ តែ​ឥឡូវនេះ​គេ​បាន​បង្កើត​បន្ទះ​ពិសេស​ស៊ក​ក្នុង​ខោ​ទ្រនាប់​ភ្ជាប់ ប្រព័ន្ធ​ប្លូ​ធូ​ត​សម្រាប់​បញ្ជា​ដោយ​ទូរស័ព្ទដៃ​ស្មា​ត​ហ្វូ​ន​ឲ្យ​បញ្ចេញ ចលនា​រំ​ញ័រ។

ផលិតផល​ខោ​ក្នុង​របស់​គូស្នេហ៍​ដែលមាន​ភ្ជាប់​ប្រព័ន្ធ បញ្ជា​រំ​ញ័រ​ពី​ទូរស័ព្ទ​ស្មា​ត​ហ្វូ​ន​នេះ​ត្រូវបាន​គេ​ដាក់​តាំងនៅ អគារ​ពិព័រណ៍​ផលិតផល​អេឡិចត្រូនិក ក្នុង​ទីក្រុង​ឡាស​វេ​ហ្គាស កាលពី​ប៉ុន្មាន​ថ្ងៃនេះ។

ខោ​ទ្រនាប់​នោះគេ​បាន​ប្រើ​ប្រព័ន្ធ​ប្លូ​ធូ​ត សម្រាប់​បញ្ជា​ចលនា​រំ​ញ័រ​នៅ​តំបន់​ពិសេស​នោះ។ ម្យ៉ាង​ខណៈពេល​ប្រើ​ទូរស័ព្ទ​ស្មា​ត​ហ្វូ​ន​ទាក់ទង​រវាង​ដៃគូ​ស្នេហា ប្រព័ន្ធ​ប្លូ​ធូ​ត​នឹង​បញ្ជា​ធ្វើ​ឲ្យ​មាន​រំ​ញ័រ​ជាច្រើន​សណ្ឋានខុសៗគ្នា ដើម្បី​បង្កើន​អារម្មណ៍​ស្និទ្ធស្នាល និង​ដុត​រោល​អារម្មណ៍​គូស្នេហ៍។

លោក ស៊ូ​គី ដុន​ហេម ជា​ស្ថាបនិក​ក្រុមហ៊ុន OhMiBod បាន​អះអាងថា ចលនា​រំ​ញ័រ​នៅ​ខោ​ទ្រនាប់​នេះ​មាន​ភាព​សម្ងាត់ ដែល​អ្នកដទៃ​មិនអាច​កត់សម្គាល់​ដឹង​ឡើយ៕

គូស្នេហ៍​​​នៅឆ្ងាយពីគ្នា​ ​​អាចដាស់អារម្មណ៍គ្នា​តាមរយៈ​ខោ​ទ្រនាប់ភ្ជាប់​ប្រព័ន្ធ​ប្លូធូត។

 

 

ឈុត​សម្លៀកបំពាក់​សម្រាប់​ហេមន្ត​រតូវ(១រោច​កត្តិក-១៥កើត​ផល្គុន)

សេចក្ដីលម្អិត

ចេញ​ផ្សាយ​នា សៅរ៍, 22 កុម្ភៈ 2014 14:47

Blazerនិង​ខោខ្លី​ដេរ​ដោយ​ក្រណាត់​ទន់ល្មើយ​និង​ផ្កា​ភ្ញីប្លែកៗនាំមក​នូវ​ភាពស្រស់​ក្មេង​និង​ទាក់ទាញ។

គឺ​មួយ​ក្នុងចំណោម​ទំនោរ Fashion  ដ៏​លេចធ្លោ​ក្នុងឆ្នាំនេះ​ឈុត​សម្លៀកបំពាក់​ខ្លី​មាន Blazerនិង​ខោខ្លី​ត្រូវគេ​និយម​ដោយ​វា​នាំមក​នូវ​លក្ខណៈ​ស្រគក់​ស្រគំ ស្រស់ស្រាយ​និង​ក្មេង​ជាង​វ័យ​មាន​ផាសុកភាព ត្រូវ​ចំពោះ​អាកាសធាតុ​ក្តៅ​ឬ​ត្រជាក់តិច។

ទំនោរ​ដ៏​ពេញនិយម​នេះ​រមែង​ត្រូវបាន​ប្រើ​ជាមួយ​ក្រណាត់​ផ្កា​ឆើតឆាយ​ទាក់ភ្នែក ធ្វើឱ្យ​អ្នក​ស្លៀក​ត្រូវបាន​គេ​ចាប់​អារ​ម្ម​ណ៏​មួយ​រំពេច​ពេល​ចុះ​ដើរ​តាមផ្លូវ។ បើ​ស្លៀក​ឈុត​នេះ​ត្រូវ​ប្រើ​អាវ​សឺ​មី​ឬ​អាវយឺត​ពណ៌​លាត​ដើម្បីឱ្យ​ចុះសម្រុង​និង​គ្នា​ពីព្រោះ​ឈុត​suit ឆើតឆាយ​ពេក​នាំឱ្យ​អ្នក​លែង​គួរឱ្យ​ចាប់​អារ​ម្ម​ណ៏​ទៅវិញ។

ឈុត​suit ឆើតឆាយ​រមែង​ចុះសម្រុង​និង​អាវ​សឺ​មី ស ស្រគត់ស្រគំ​និង​ស្បែកជើងកែងចោត​បែប​បុរាណ ជួយ​ឱ្យ​នាង​កញ្ញា​ដែល​ស្លៀកពាក់​វា​ក្លាយជា អតិ​ជន​មួយរូប​មិន​ខាន។

ការប្រើ​គ្រឿង​តុបតែង​ពណ៌​ខ្មៅ​ត្រូវ​គ្នា​និង​គ្រប់​សាច់​ក្រណាត់ ផ្កា​អ្វី​ក៏បាន។

ពេល​ស្លៀកពាក់​SUIT ពណ៌​ស្រាល​ត្រូវ​ប្រើ​អាវ​សឺ​មី​ពណ៌​ស​ទើប​ស៊ីគ្នា។

ខណៈ​អ្នក​មិន​និយម​ពណ៌​ឆើតឆាយ ចូរ​ប្រើ​ពណ៌​Pastel ដើម្បី​កើន​ភាពជា​នារី​គួរឱ្យ​ទាក់ទាញ។

 

អាវ​Blazer អាច​ប្រើ​ពណ៌​ផ្សេង​ដើម្បី​បង្កើន​ភាពស្រស់​ក្មេង។

សាច់​ក្រណាត់​ឆ្នូតទទឹងៗក៏​ជា​របស់​ពេញនិយម​ដែរ​ឆ្នាំនេះ។

ពណ៌​លឿង បែបនេះ​មើលទៅ​ក្មេង​តែ​នឹងធឹង។

 

ពិតណាស់​កុំ​ចោល ស- ខ្មៅ ពេញនិយម​គ្រប់​សម័យ​កាល។

 

ការប្រើ​ក្រណាត់ក្រាស់ៗពណ៌​គគីរ​លើក​កំពស់​បុគ្គលភាព​ខ្លាំងក្លា៕

ប្រភព LB,PTR

 

ម៉ូតសម្លៀកបំពាក់ APEC ពេលនិយមជាថ្មី

សេចក្ដីលម្អិត

ចេញ​ផ្សាយ​នា ពុធ, 27 វិច្ឆិកា 2013 15:32

ការដែល​ពួក​មេដឹកនាំ APEC ស្លៀកពាក់​សម្លៀកបំពាក់​ប្រពៃ​របស់​ប្រទេស​ម្ចាស់ផ្ទះ ដើម្បី​ថតរូប​អង្គប្រជុំ​ទើបតែ​ត្រូវបាន​គេ​ធ្វើឡើង​វិញ​នៅ​ឥណ្ឌូនេស៊ី បន្ទាប់ពី​អាក់ខាន 3ឆ្នាំ ។

តាម​ទម្លាប់​របស់​វេទិការ​សហប្រតិបត្តិកា​រ​សេដ្ឋកិច្ច​អាស៊ី​ប៉ាស៊ីហ្វិក APEC បណ្តាល​ថ្នាក់ដឹកនាំ និង​មាន​ពិធី​ថតរូប​រួមគ្នា​ក្នុង​សម្លៀកបំពាក់​ដែល​បង្កើតឡើង​ដោយ​ម្ចាស់ផ្ទះ ប្រយោជន៍​លើក​តំកើន វប្បធម៌​បុរាណ​របស់​ប្រទេស​នោះ ។

ទំលាប់​បែបនេះ​ស្មានតែ​ត្រូវគេ​លុបចោល​ទៅហើយ​ តែ​កាលពី​ប្រជុំ APEC នៅ​កោះ Bali ប្រទេស​ឥណ្ឌូនេស៊ី វា​ត្រូ​វា​បាន​គេ​ធ្វើ​ឡើងវិញ ។ ក្នុង​រូបនេះ​គឺ​ប្រធានាធិបតី Indonesia និង​លោកជំទាវ​របស់គាត់ ទទួល​ប្រធានាធិបតី​រុស្ស៊ី Vladimir Putin ពួកគាត់​ស្លៀក​សម្លៀកបំពាក់​ធ្វើ​ពី​ក្រណាត់ endek របស់ Indonesia ។

លោកស្រី Yingluck Shinawatra នាយករដ្ឋមន្ត្រី​ថៃ ក្នុង​អាវ endek ពណ៌​ស្វាយ កំពុង​បោះជំហាន​ចូល​សាល​ភោជនាហារ ។ ការដែល​បណ្ដា​មេដឹកនាំ​ដោះ​សម្លៀកបំពាក់ complet ចេញ​ហើយ​ស្លៀក​សំលៀកបំពាក់​ពណ៌​ឆើតឆាយ​ក្នុង​ពិធី​ថតរូប​ជុំគ្នា ត្រូវបាន​ផ្តើមគំនិត​ដោយ​ប្រធានាធិបតី​អាមេរិក Bill Clinton នៅ​ឆ្នាំ 1993 ។ ចាប់ពី​នោះមក​បណ្តា​មេដឹកនាំ​ជាន់ក្រោយ​ស្លៀកពាក់​ខោអាវ​ប្រពៃណី​ជាច្រើន​ប្រភេទ​តាំងពី​អាវ​ផាយ​ជាយ​វែង​របស់​វៀតណាម​ដល់​អាវ poncho របស់​អាហ្វ្រិក​ខាងត្បូង ។

នាយករដ្ឋមន្ត្រី Tony Abbott នៃ​ប្រទេស​អូស្ត្រាលី​កំពុង​អមដំណើរ​ភរិយា​គាត់​ដើរចូល​សាល​ពិសារ​ភោជនាហារ ។ លោក Ida Bagus Adnyana អ្នក​ច្នៃ​ម៉ូត​អាវ​សម្រាប់ APEC ប្រាប់ថា​វត្ថុធាតុដើម​យកមក​ដេរអាវ​នេះ​តំណាងឱ្យ​ភាព​ស្រុះស្រួល​គ្នា និង​តុល្យភាព ។

លោក John Kerry រដ្ឋមន្ត្រីការបរទេស​អាមេរិក មក Bali ក្នុងនាម​លោក Barack Obama ប្រធានាធិបតី​អាមេរិក ។ ឆ្លងកាត់​ការរៀបចំ​ជាច្រើនលើក​កន្លងមក ខោអាវ​ខ្លះ​ត្រូវគេ​ចំអក​ថា​សោ​នាដកម្ម​របស់​វិស័យ​បង្ហាញ​ម៉ូត ។ នៅ​ឆ្នាំ 2010 ជប៉ុន​សម្រេចចិត្ត​ឱ្យ​មេដឹកនាំ​ទាំងអស់​ស្លៀកពាក់​ធម្មតា​ដោយ​មិន​ប្រើ​អាវ Kimono ហើយ​នៅ​ឆ្នាំ 2011, APEC ប្រជុំ​នៅ Hawaii មេដឹកនាំ​ទាំងអស់​បានទទួល​កាដូ​ជា​អាវ aloha តែ​មិន​ត្រូវគេ​សំណូម​ឱ្យ​ពាក់​ពេល​ថតរូប​រួម​ទេ ។

Endek ត្រូវបាន​ផលិតឡើង 4ពណ៌ ទឹកសមុទ្រ បៃតង ស្វាយ និង ក្រហម តាម​ការជ្រើសរើស​របស់លោក​ជំទាវ​ប្រធានាធិបតី Indonesia

ក្នុង​រូបនេះ​គឺ​ប្រធានាធិបតី Mexico លោក Enrique Pena Nieto (កណ្ដាល) ភរិយា​គាត់ និង​នាយករដ្ឋមន្ត្រី New Zealand លោក John Key កំពុង​ទស្សនា​ការសម្តែង​របាំ​ក្នុង Gala Daneing ។

ប្រធានាធិបតី​រុស្ស៊ី ជជែក​កម្សាន្ត និង​ប្រធាន​រដ្ឋ​វៀតណាម

ប្តី​ប្រពន្ធ​នាយករដ្ឋមន្ត្រី​សិង្ហ​បុរី លោក អី ស៊ាន​ឡុង និង ប្តី​ប្រពន្ធ​ប្រធានាធិបតី Indonesia ។

ប្តី​ប្រពន្ធ​នាយករដ្ឋមន្ត្រី​ជប៉ុន Shinzo Abe ត្រូវបាន​ស្វាគមន៍​ដោយ​ប្តី​ប្រពន្ធ​ប្រធានាធិបតី Indonesia ។

មេដឹកនាំ 21 រូប​នៃ​វេទិការ APEC ថតរូប​រួមគ្នា​និង​គ្រួសារ​របស់​ពួកគេ ។

Bali ជា​កោះ​កាន់សាសនា​ហិណ្ឌូ​របស់ Indonesia ខណៈ​ប្រជាជន Indonesia ភាគច្រើន​កាន់សាសនា​ឥស្លាម ។ ក្រណាត់ endek ផលិត​ដោយ​ដៃ​ប្រើ​កី​បុរាណ ត្រូវបាន​ប្រើ​ក្នុង​សាសនា​ហិណ្ឌូ ៕

ប្រពភ AP