jaukjeybanner

អាំងសាច់៣ជាន់ប្រឡាក់គ្រឿងពិសេសសម្រាប់ចុងសប្តាហ៍

សាច់៣ជាន់អាំងប្រឡាក់គ្រឿងគឺជាមុខម្ហូបពិសេសសម្រាប់ថ្ងៃចុងសប្តាហ៍ មុខម្ហូបនេះចំណាយពេលតិចក្នុងការចម្អីន គ្រឿងផ្សំនិងវិធីចម្អិនសាមញ្ញៗ ព្រមទាំងមានឳជារសឈ្ងុយឈ្ងប់ផងដែរ។

The three of them are ready for the show

គ្រឿងផ្សំ៖ សាច់៣ជាន់ ២ចំណិត ម្ទេសដៃនាង២-៣ផ្លែ ម្សៅម្ទេស១ស្លាបព្រា ទឹកត្រី១ស្លាបព្រា អំបិល១ស្លាបព្រា ម្រេចម៉ត់១ស្លាបព្រា ប៊ីចេងបន្តិច ខ្ទឹមសរ១មើម ខ្ទឹមក្រហមក្រៀម ២-៣មើម គល់ស្លឹកគ្រៃ ២-៣មើម ម្សៅស៊ុប១ស្លាបព្រា ស្ករ១ស្លាបព្រា។

The three of them are ready for the new image 2

វិធីចម្អិន៖ លាងសាច់៣ជាន់ឲ្យស្អាត រួចទុកមួយអន្លើឲ្យស្រក់ទឹក បុកស្លឹកគ្រៃឲ្យបែករួចហាន់ ចិញ្ច្រាំម្ទេស ខ្ទឹមសរ ខ្ទឹមក្រហមឲ្យម៉ត់។

The three of them are ready for the new image 3

ដាក់សាច់ចូលក្នុងចានដែក រួចដាក់គ្រឿងផ្សំចូល

The three of them are ready for the new image 4

ពាក់ថង់ផ្លាស្ទិច រួចច្របាច់ច្របល់សាច់ដើម្បីឲ្យចូលជាតិ បើសិនជាទំនេរអាចទុកសាច់ចោលរយៈ២ម៉ោង ឬដាក់ក្នុងថតកកនៃទូរទឹកកករយៈពេលមួយយប់ ដើម្បីឲ្យមានឳជារសកាន់តែឈ្ងុយឆ្ងាញ់។

The three of them are ready for the new image 5

បើកចង្ក្រាន ឬបង្កាត់ធ្យូង (កម្តៅ ២០០ អង្សា) ដាក់សាច់លើបន្ទះអាំងសាច់ រួចដាក់ទម្រទ្រខ្លាញ់ អាំងត្រឡប់សាច់រយៈពេល១៥នាទី រហូតដល់សាច់ច្អិនសព្វឡើងលឿងជាការស្រេច។

Thinking of you is just right for me now 6

ហាន់សាច់ជាចំណិតៗ ធំតូចតាមចំណង់ចំណូលចិត្ត រោយម្រេចបន្តិច រួចដាក់ស្លឹកគ្រៃពីលើដើម្បីឲ្យក្លិនកាន់តែឈ្ងុយឈ្ងប់

The three of them are ready for the new image 7

លោកអ្នកអាចទទួលទានសាច់៣ជាន់អាំងប្រឡាក់គ្រឿងដ៏ឈ្ងុយឈ្ងប់មួយនេះហើយ!!

ប្រែសម្រួល៖ ប៉ែន នរិន្ទ

 

សម្ល​ស៊ុបកូន​កាត់​ជូរហឹរ​បែប​ ថៃ​ ពីផ្ទះ​បាងកក

 

ភ្នំពេញ: នៅ​ផ្ទះបាយ​ហាង​ «ផ្ទះ បាងកក) ​ចុងភៅ​ស្រី​ម្នាក់​កំពុង​តែ​ឈរ​ចម្អិន​​ ដោយ​មានអណ្តាតភ្លើង​ផង និង​ភាយ​ក្លិន​ឈួល​ម្ទេស​ផង ភាយ​ចេញពី​ឆ្នាំង​សម្លស៊ុប​កូន​កាត់​។

ផ្ទះ​បាងកក​គឺជា​ហាង​ដែល​បម្រើ​នូវ​ម្ហូបបែប​ថៃ​ជាច្រើន​មុខ ដែល​ប្រភេទ​ម្ហូប​ប្រចាំ​ថ្ងៃ​របស់​ជនជាតិ​ថៃ ដែល​យើងអាច​ប្រទះ​ឃើញ​លក់​នៅ​តាម​ហាង​តូចៗ ឬក៏​តាម​ចិញ្ចើម​ថ្នល់់។

សព្វថ្ងៃ អ្នកចូលចិត្ត​ញ៉ាំ​ម្ហូប​ថៃ​បែបនេះ​គឺ​មិនចាំបាច់​​ទៅ​ដល់​ស្រុក​ថៃ​នោះ​ទេ ដោយ​ផ្ទះ​បាងកក​នៅ​រាជធានីភ្នំពេញ​គឺជា​ហាង ដែល​ជំនាញ​ធ្វើ​ម្ហូបថៃ​រសជាតិ​ដើមពិតៗ ។ម្ហូប​ទាំង​នោះ​មាន​ដូចជា ស៊ុប​កូនកាត់ ញាំ​ពោះ​តាន់​ជូរអែម បាយឆា​ម្រះព្រៅ បុកល្ហុង​ព្រៃ​ ការីខៀវ​ជើងមាន់ ញាំពង​ទា​ជូរអែម និងភ្លាក្តាម​ប្រៃបែបថៃ។

ចំពោះ​សម្លស៊ុប​កូន​កាត់ មាន​គ្រឿង​ផ្សំងាយៗ​ដូច​ជា​​ ឆ្អឹង​ជំនីរ​ខ្ចី ដំឡូង​បារាំង រំដេង គល់ស្លឹក​គ្រៃ ម្ទេសឆ្អើរ​ ស្លឹក​ឃិន​ឆាយ ស្លឹក​ក្រូចសើច ស្លឹក​ខ្ទឹម អំបិល ស្ករស ក្រូច​ឆ្មារ និង​ម្សៅស៊ុប។ដំបូង​ត្រូវ​យក​ឆ្អឹង​ជំនីរ​ខ្ចីរស្ងោរ​ជាមួយ​ទឹក​ស៊ុប​ដំឡូង​ បារាំង និង​រំដេង ឲ្យឆ្អិន។

ទឹកដែល​ស្ងោរ​ត្រូវយក​ទៅដាំ​ជាថ្មី ដោយ​បង់គល់​ស្លឹកគ្រៃ ស្លឹក​ក្រូចសើច​មួយ​រំពុះ សឹម​យក​ឆ្អឹង​ជំនីរ​ដែល​ស្ងោរ​រួចចាក់ចូល ដោយ​បន្ថែម​ម្ទេស​ឆ្អើរ​បុក​ដាក់ចូល។ បន្ទាប់​មកទៀត​បន្ថែម​គ្រឿងផ្សំ​រសជាតិ​មាន អំបិល ស្ករស និង​ម្សៅស៊ុប រួចបិទ​ភ្លើង​ចង្ក្រាន សឹម​ដាក់ទឹក​ក្រូចឆ្មារ​ចូលជា​ការស្រេច។

នៅពេល​ដួសដាក់​ចាន ឬ​ឆ្នាំង​ភ្លើង​ត្រូវ​បន្ថែម​ម្ទេស​ឆ្អើរ​ទាំងមូល ស្លឹកខ្ទឹម និងស្លឹក​ឃិនឆាយ។ផ្ទះបាងកក ស្ថិតនៅ​ម្តុំ​ផ្សារកាប់គោ ហើយ​ជាទូទៅ​ម្ហូបប​ម្រើ​នៅទីនោះ​មានតម្លៃ​ថោក​សមរម្យ​ចន្លោះពី ៦០០០ ទៅ ២០០០០ រៀល៕

ឈុត​មីទា​ផាក់ឡូវ​ ចាយ៉​បំពង​ កាហ្វេ​ភ្នំពេញ ពី​ហាងផាក​កាហ្វេ​

ឈុត​មីទា​ផាក់​ឡូវ ជាមួយ​ចាយ៉ និង​កាហ្វេ​ភ្នំពេញ​ទឹកដោះគោ​។

ភ្នំពេញ: ជាមួយ​រូបមន្ត​ចម្អិន​អាហារ​សុខភាព​ដោយ​មិន​ ប្រើប្រាស់​នូវ​ប៊ីចេង ភោជនីយដ្ឋាន​ផាក​កាហ្វេ កាល​ពីថ្មីៗ​នេះ​បាន​បន្ថែម​នូវរសជាតិ​ថ្មី​ក្នុង​បញ្ជី​មុខម្ហូប​របស់​ ខ្លួន។

នោះ​គឺ​មីទាផាក់ឡូវ ដែល​មាន​ទឹកស៊ុប​ឆ្ងាញ់​ និង​ក្លិន​ឈ្ងុយជាមួយ​ដើម​គូឆាយ។

ចុងភៅ​ដ៏​ចំណាន​ដែល​មាន​បទពិសោធ​ជាយូរ​ឆ្នាំ បានចម្អិន​ទឹក​ស៊ុប​យ៉ាង​សម្រិត​សម្រាំងដោយ​ប្រើ​គ្រឿងផ្សំ​រសជាតិមាន​ មើម​ឈើ​ធម្មជាតិ​ជាមួយ​ការកំណត់​ភ្លើង​ក្នុងការ​រម្ងាស់​យ៉ាង​យកចិត្ត​ ទុកដាក់។​

មីសាច់​ទាផាក់ឡូវ​ប្រើសរសៃ​មី​ពងមាន់ ចំណិត​សាច់ទាផាក់​ឡូវ​ដែល​គ្មាន​ឆ្អឹង​សម្រាប់​លោកអ្នក​ដែលចូល​ចិត្ត​បរិភោគ ​សាច់ និង​តៅហ៊ូខ​បែបចិន​​រសជាតិ​ផ្អែមៗប្លែក​មាត់។

ឈុតមី​ផាកឡូវ ចៃយ៉​បំពង ៣ ដុំ និង​កាហ្វេ​ភ្នំពេញ​ទឹកដោះ​ពិសេស​មាន​តម្លៃ ៦,៨៨ ដុល្លារ។ក្រៅពី​នេះ​នៅ​គ្រប់​ភោជនីយដ្ឋាន​ផាក​កាហ្វេ​ក៏មាន​បម្រើ​ជូន​នូវ​ ម្ហូប​អាហារ​ផ្សេង​ទៀត​ដែល​មានរសជាតិ​ដូចជា គុយទាវ​ភ្នំពេញ​ពិសេស មី​ប៉ាវហ៊ី​​ពិសេស មី​ទាខ្វៃ​ទឹកឃ្មុំ បាយ​ឆា​ឡុកឡាក់​សាច់​ពិសេស បាយ​មាន់​ហៃណាំ បាយ​ឆាកា​ពិ មី​ស្រួយ​ហុងកុង និងសាំង​វ៊ិចជាដើម។

សម្រាប់​ភេសជ្ជៈវិញ​មានទឹក​ផ្លែឈើ​ស្រស់ៗ មាន​ទាំង​ក្រឡុង និង​កៀប​ដែលល្អ​បំផុតសម្រាប់​សុខភាព។​ពិសេស​ជាងនេះ​ទៅទៀត អតិថិជន​ក៏​អាច​ភ្លក្ស​រសជាតិ​កាហ្វេ​ខ្មែរ​ដែល​ឆុង​បែប​បុរាណ មាន​ប្រហើរ​ក្លិន​ឈ្ងុយ រសជាតិ​ឆ្ងាញ់​ជាប់មាត់​នោះ​គឺកាហ្វេ​ភ្នំពេញ​តែម្ដង៕

ភោជនីយដ្ឋាន ក្យូឆុន ប្រើ​សាច់​មាន់​សរីរាង្គ និង​គ្រឿង​ទេស​ធម្មជាតិ

ភ្នំពេញ: ហាង​មាន់​បំពង​ល្បី​ពី​ប្រទេស​កូរ៉េ​ ក្យូឆុន (Kyochon) ដែល​បើក​បាន​ជិត ១ ឆ្នាំ ​មិនមែន​ជា​ហាង​បម្រើ​អាហារ​បែប​ចម្អិន​លឿន (Fast Food) នោះទេ។

នៅទីនោះ​តែ​ជា​ប្រភេទ​អាហារ​ដែល​ចម្អិន​ស្រស់ៗ​ដោយ​កំណត់​ពេលវេលា​ត្រឹមត្រូវ​តាម​ក្បួនខ្នាត។

ភ្ញៀវ​ដែល​មកញ៉ាំ​នៅទីនេះ​យ៉ាង​ហោចណាស់​ត្រូវ​ចាំ ១០ ទៅ ១៥ នាទី​សិន ទើប​អាហារ​ចម្អិន​បានឆ្អិន​ល្អ និង​មាន​រសជាតិ​ឆ្ងាញ់​ត្រូវ​តាមស្តង់ដារ​របស់​កូរ៉េ។

ក្យូឆុន ផ្តោ​ត​សំខាន់​ទៅលើ​សាច់មាន់​តែម្តង គ្រប់​មុខម្ហូប​ទាំងអស់​គឺជា​សាច់មាន់​ដែលគេ​យក​មក​ច្នៃ​ធ្វើជា​ម្ហូប​បានជា ​ច្រើន​មុខ ដូចជា​ស្លាបមាន់​បំពង ភ្លៅមាន់​បំពង​ហឹរ​ហោះ ស្តេ​ក​សាច់មាន់ ទ្រូងមាន់​បំពង​ម្សៅ និង​មុខម្ហូប​ជាច្រើន​មុខ​ទៀត ជាមួយ​សាលាដ​ស្រូបទឹក​ជ្រលក់​ពិសេស​ប្រចាំ​ហាង។

មាន់​ដែល​យកមក​ចម្អិន​ជា​ប្រភេទ សាច់មាន់​សរីរាង្គ​គ្រប់​អាយុ​ ហើយក្យូឆុន​ប្រើតែ​គ្រឿងទេស​ធម្មជាតិ​សុទ្ធ ១០០ ភាគរយ និង​ចម្អិន​ដោយ​ប្រើ​បច្ចេក​ទេស​ចៀន​មាន់ និង​បំពង​មាន់ទ្វេដង ដើម្បី​ស្រួយ និង​ឆ្អិនល្អ។

ក្យូ​ឆុន​មាន​មាន់​បំពងបែប​កូរ៉េ​គ្រប់​រសជាតិ ហើយ​រសជាតិ​ពេញនិយម​ទាំងបីគឺ រសជាតិ​ដើម រសជាតិ​ទឹកឃ្មុំ និង​រសជាតិ​ប្រៃតិច។​

ស្ថិត​នៅ​លើផ្លូវ​ប៉ាស្ទ័រ កែង​ផ្លូវ ២៨៨ សង្កាត់​បឹង​កេងកង ១ បច្ចុប្បន្ន ក្យូឆុន​ក៏បាន​ធ្វើជា​ឈុត​អាហារ​ថ្ងៃត្រង់​ ក្នុង​មួយឈុត​មាន មាន់​បំពង បាយ សាលាដ និង​ទឹកក្រូច​មួយកែវ ក្នុង​តម្លៃ ៤,៩៩ ដុល្លារ៕

 

ផ្សិត​ខ្មៅ​ញាត់​ប្រហិត​ត្រី​បំពង ​អាហារ​សម្រន់​ឆ្ងាញ់ពី The Street

ភ្នំពេញ: ហាង The street ​ដែល​ស្ថិត​​នៅផ្ទះ​លេខ ២០២ ​បណ្តោយ​ផ្លូវ ១៤៣ ល្បី​សម្បូរ​លក់​នូវ​ប្រភេទ​អាហារ​សម្រន់​ដែល​ពេញ​និយម​លក់​តាម​ ចិញ្ចើមផ្លូវ រួមទាំង​អាហារ​បែប​ច្នៃ​ប្រឌិត​ថ្មីៗ​ជា​ច្រើនទៀត​។

ការតុប​តែង​​ហាង​មាន​លក្ខណៈ​សាមញ្ញ​បែប​យុវវ័យ។ នៅ​លើ​ជញ្ជាំង​មាន​រូបភាព​គូរ​ជា​ផ្លូវ គំនូរ​អំពូល​ភ្លើង អគារចាស់ៗ និង​មាន​​បំពាក់​កង្ហារ​បី​បួន នៅ​ពីលើ​តុ​កៅ​អី​ឈើ​។

សប្តាហ៍​នេះ ហាង The street បង្ហាញ​ពី​របៀប​ធ្វើ​អាហារ​សម្រន់​សម្រាប់​ទទួល​ទានពេល​ថ្ងៃ​ត្រង់ ជា​ចំណី​សម្រន់ ឬ​ញ៉ាំ​​ពេល​ល្ងាច​ជាគ្រឿងក្លែម​ក៏បាន។ នោះ​គឺ «ផ្សិត​ខ្មៅ​ញាត់​ប្រហិត​ត្រីបំពង» ដែល​ងាយ​ស្រួល​​ចម្អិន​ញ៉ាំ​លេង​។

វិធី​ចម្អិន​គឺ​ដំបូង​ត្រូវ​យក​ផ្សិត​ខ្មៅ​ទៅ​ត្រាំ​ទឹក​ឲ្យ​រីក ​រួចលាង​ទឹក​ពី​រ​បី​ដង​កុំ​ឲ្យ​វា​ធំក្លិន​។ បន្ទាប់មក​យកប្រហិត​ត្រី​ទៅ​លាយ​គ្រឿងផ្សំ​ដូចជា​អំបិល ស្ករ​ស ម្សៅ​ស៊ុប និង​ម្រេច ហើយ​បោក​វា​ឲ្យ​​សព្វ​សាច់ ទើបយកទៅប៉ាតជុំ​វិញ​គល់​ផ្សិត​ខ្មៅ រួច​សឹម​យក​វា​ទៅ​បំពង ឲ្យ​ឆ្អិន។ នៅ​ពេល​ដែល​ផ្សិត​ឆ្អិន​​ហើយ​ត្រូវ​​ស្រូបទឹកត្រី​ជូរអែម​ពីលើ​ បន្ថែម​ជីរ​វ៉ាន់​ស៊ុន​ និង​ស្លឹក​ខ្ទឹម​ជាការ​ស្រេច។

ផ្សិត​ខ្មៅ​ញាត់​ប្រហិត​ត្រី​បំពង​មួយ​ចាន​តម្លៃ ៦០០០ រៀល។ ​ក្នុង​ហាង​​នេះ​ក៏មាន​អាហារ​ដូចជា ​ប្រហិត​ភ្នំ​ភ្លើង​ទឹកកក សាច់ជ្រូក​អាំង​ចង្កាក់ ជើង​មាន់​បំពង​ខ្ទឹមស ឆ្អឹងជំនីរ​បំពង​ខ្ទឹម​ស ​ព្រុយ​ត្រី​សាល់​ម៉ុ​ន​អាំង​អំបិល​ម្ទេស​ និង​ម្ហូប​ជា​ច្រើន​មុខ​ទៀត។

ហាង The Street អាច​ទំនាក់ទំនង​តាម​ទូរស័ព្ទ​​ ០៦០ ៦៦៦​ ៦៣៦៕

 

អត្ថបទផ្សេងៗ

ថ្ងៃនេះ
ម្សិលមិញ
សរុប
325
923
4540063