jaukjeybanner

សេដ្ឋី​​ហុងកុង​៖​ ការ​​វិយោគ​​ធំ​ៗ​​របស់​​លោក​​នៅ​​កម្ពុជា​ គឺ​ផុស​ឡើង​ពី​ភាព​រួសរាយ​រាក់ទាក់​របស់​ប្រជាជន​កម្ពុជា

លោក​​ កូ សេក​យ៉ាន​ (Ko Sek Yan) វិនិយោគគិន​ហុងកុង​បាន​មក​ដល់​កម្ពុជា​កាល​ពី​ឆ្នាំ​១៩៩៥​ គឺ​បន្ទាប់​ពី​កម្ពុជា​ បាន​ផ្លាស់ប្តូរ​មក​កាន់​របប​លទ្ធិ​ប្រជាធិបតេយ្យ​បាន​ពីរ​ឆ្នាំ​ តាម​ក្រសែរ​​ភ្នែក​របស់​​លោក​កូ​  កម្ពុជា​កាល​នោះ​ ហាក់​កំពុង​ស្ថិត​ក្នុង​ស្ថានភាព​ខ្មៅ​ងងឹត​នៅ​ឡើយ​។​ ប៉ុន្តែ​ភាព​​រួសរាយ​​រាក់​ទាក់​របស់​ប្រជាជន​កម្ពុជា​ និង​ឪកាស​វិនិយោគ​ដ៏​គាប់​ប្រសើរ​បាន​អន្ទង​ឲ​គាត់​សម្រេច​ចិត្ត​ដាក់​ទុន​​វិនិយោគ​រាប់លាន​ដុល្លា​នៅ​ប្រទេស​នេះ​នៅ​ឆ្នាំ​២០០១​។ ​

លោក​ កូ​បាន​បង្កើត​ក្រុមហ៊ុន​​មួយ​ដោយ​​ចុះ​បញ្ជី​​នៅ​​ក្នុង​​ប្រទេស​​កម្ពុជា​​ក្រោម​​ឈ្មោះ​​ថា​ ក្រុមហ៊ុន មេរីឌាន អ៊ីនធើណេសិន​ណល ហូលឌីង​​ (ខេមបូឌា) អិល​ធី​ឌី​ ពី​លើ​បន្ថែម​គម្រោង​វិនិយោគ​ជា​ច្រើន​ក្នុង​តំបន់​អាស៊ី​របស់​លោក​ ដោយ​ឡែក​​ភ្នំពេញ​ត្រូវ​បាន​ក្លាយ​ជា​ជម្រើស​ទីក្រុង​ដែល​លោក​ពេញចិត្ត​​បំផុត​ក្នុង​ការ​ដាក់​​ទី​ស្នាក់ការ​កណ្តាល​​សម្រាប់​ការ​វិនិយោគ​ទាំង​មូល​របស់​លោក​។

នៅ​កម្ពុជា​ លោក​មាន​រោងចក្រ​ សួន​ឧស្សាហកម្ម​​នៅ​ក្នុង​ខេត្ត​កណ្តាល​ និង​កំពង់ចាម​ បូក​​រួម​​នឹង​​គម្រោង​​អចលនទ្រព្យ​​នានា​​ដែល​​មាន​​តំលៃ​ ប្រមាណ​​ជាង​២០០​លាន​ដុល្លាអាមេរិក​។ លើស​ពី​នេះ​កា​រ​អភិវឌ្ឍន៍​​គួរ​ឲ​កត់​សំគាល់​​របស់​លោក​ក្នុង​ពេល​​បច្ចុប្បន្ន​​គឺ​​ អាគារ​ កាសា មេរីឌាន​ (CASA by Meridian) កំពស់​៣៣​ជាន់​លេច​​អណ្តែត​​យ៉ាង​ខ្ពស់​នៅ​​លើ​​កោះ​ពេជ្រ​​រងចាំ​ការ​ប្រគល់​ជូន​អតិថិជន​របស់​ខ្លួន​នៅ​ដើម​ឆ្នាំ​២០១៧​។ លើស​ពីនេះ​លោក​មាន​គម្រោង​​បន្ត​បន្ទាប់​​ទៀត​​ដូចជា​ ស្កាយឡា មេរីឌាន (SKYLAR by Meridian) និង គម្រោង Meridian Square នៅ​​ភ្នំពេញ​​ស៊ីធី​សេនធ័រ​ (Phnom Penh City Center) ជា​ដើម​។

ប្រភព៖ ភ្នំពេញប៉ុស្តិ៍

ក្រុមហ៊ុន​ចិន​បន្ត​គម្រោង​ដ៏​ចម្រូង​ចម្រាស​នៅ​រាម

ទិដ្ឋភាព​ឆ្នេរ​សមុទ្រ​រាម​ក្នុង​ខេត្ត​ព្រះសីហនុ។

ភ្នំពេញៈ ក្រុមហ៊ុន​អភិវឌ្ឍន៍​ចិន​​បាន​ប្រកាស​ពី​ភាព​ជា​ដៃគូ​ថ្មី​​ដើម្បី​អភិវឌ្ឍ​ គម្រោង​ទេសចរណ៍​​ដ៏ធំ​នៅ​ក្នុង​តំបន់​ឧទ្យាន​ជាតិ​​រាម​ក្នុង​ខេត្ត​ ព្រះសីហនុ​ដែល​​គេ​​អះអាង​ថា​ជា​គម្រោង​ទេសចរណ៍​ធំ​ទី​ពីរ​បន្ទាប់ពី​​​​ អង្គរវត្ត​។

ក្រុមហ៊ុន ​Yeejia​ Tourism Development ​Co.​, LTD ​ជា​បុត្រ​សម្ព័ន្ធ​របស់​ក្រុមហ៊ុន Unite ​International (Cambodia) ​Investment ​Group Co., ​LTD ​គ្រប់គ្រង​ដោយ​វិនិយោគិន​ចិន​បាន​​ចុះ​អនុស្សរណៈ​យោគយល់​​គ្នា​ជាមួយ​ ក្រុមហ៊ុន​ចិន​ជាច្រើន​ផ្សេង​ទៀត​ដើម្បី​អភិវឌ្ឍ​គម្រោង​ទេសចរណ៍ Golden Silver​ Gulf ​លើ​ផ្ទៃ​ដី ៣ ៣០០ ​ហិកតា​នៅ​ក្នុង​ឧទ្យាន​ជាតិ​រាម​ក្នុង​ខេត្ត​ព្រះសីហនុ​។

គម្រោង​នេះ​បាន​ស្ថិត​ក្រោម​ដំណើរការ​សាងសង់​រួច​ទៅ​ហើយ​ដែល​នឹង​រួម​ បញ្ចូល​នូវ​វីឡា សណ្ឋាគា​​រផ្កាយ​ប្រាំ មណ្ឌល​តាំង​ពិព័រណ៍​ និង​ទំនិញ​រួច​ពន្ធ​។

លោក Fu Xian Ting ​ប្រធាន​ក្រុមហ៊ុន​ Unite International និង​ក្រុមហ៊ុន​ Yeejia បាន​​ឲ្យ​ដឹង​ថា​ការ​សាងសង់​ផ្លូវ​ហាយវ៉េត​ភ្ជាប់​​តំបន់​អភិវឌ្ឍន៍​ទៅ​ កំពង់​​ខេត្ត​ព្រះសីហនុ​ចម្ងាយ​​ ៧ ​គីឡូម៉ែត្រ​នឹង​ចាប់ផ្ដើម​នៅ​ចុង​​​ឆ្នាំ​នេះ​។ នៅ​ពេល​បញ្ចប់​ផ្លូវ​​នឹង​នេះ​ក៏​នឹង​តភ្ជាប់​​ការ​ធ្វើ​ដំណើរ​ពី​ទីក្រុង​ ភ្នំពេញ​ និង​ក្រុង​ព្រះសីហនុ​ផង​ដែរ​។

លោក​ថ្លែង​ថា​៖ «​តាមរយៈ​កិច្ចសហប្រតិបត្តិការ​របស់​យើង​ខ្ញុំ​ជឿជាក់​ថា​នៅ​ក្នុង​រយៈពេល​ ៣​ ទៅ​​​ ៥ ​ឆ្នាំ​ ទីក្រុង​ថ្មី​នេះ​​ដែល​​ឡោមព័ទ្ធ​ដោយ​ព្រៃ​ធម្មជាតិ​​មាន​ទីតាំង​នៅ​ឆ្នេរ​ សមុទ្រ​នឹង​លេច​ឡើង​ហើយ​វា​​នឹង​ស្ថាន​សួគ៌​នៃ​ការ​កម្សាន្ដ​សម្រាប់​ ភ្ញៀវទេសចរ​ទាំង​អស់​»​។

លោក​បន្ថែម​ថា​ដោយសារ​តែ​​អត្ថប្រយោជន៍​ជាពិសេស​របស់​ទីតាំង​ឆ្នេរ​ សមុទ្រ​នេះ​វា​ទាក់ទាញ​ក្រុម​វិនិយោគិន​ទាំង​ក្នុង​ស្រុក ​និង​មកពី​ចិន​។

ក្រុមហ៊ុន​ចិន​ដែល​ចុះ ​MOU​ នេះ​​មាន​ ១៣ ​ក្រុមហ៊ុន​ប៉ុន្តែ​មាន​​តែ​ក្រុមហ៊ុន​ International Travel Service Corp LTD (CITS) ​មួយ​ប៉ុណ្ណោះ​ត្រូវ​បាន​គេ​ស្គាល់​។

លោក ចេង រ៉ុង អនុប្រធាន​ក្រុមហ៊ុន CITS បាន​ថ្លែង​ថា​កិច្ចព្រមព្រៀង​នេះ​​នឹង​ធ្វើ​ឲ្យ​ប្រទេស​កម្ពុជា​ក្លាយ​ជា​ ទិសដៅ​ទេសចរណ៍​លេខ​ ១ ក្នុង​តំបន់​​អាស៊ី​ និង​ថា​ក្រុមហ៊ុន CITS ​និង​ក្រុមហ៊ុន​ Yeejia ​នឹង​​សហប្រតិបត្តិការ​យ៉ាង​ខ្លាំងក្លា​ក្នុង​ការ​វិនិយោគ​លើ​គម្រោង​នេះ​។

រដ្ឋាភិបាល​កម្ពុជា​បាន​ផ្តល់​ដីសម្បទាន​ឲ្យ​ក្រុមហ៊ុន Yeejia ទំហំ​ ៣ ៣០០ ហិកតា​នៅ​ឆ្នាំ​ ២០០៩ ​បន្ទាប់​ពី​ក្រុមហ៊ុន​បាន​ឧបត្ថម្ភ​ដល់​អង្គភាព​អង្គរក្ស​របស់​លោក​នាយក​ រដ្ឋមន្ត្រី​ ហ៊ុន សែន ជា​បន្ត​បន្ទាប់។​ លោក​នាយក​រដ្ឋមន្ត្រី​ក្រោយ​​មក​បាន​គាំទ្រ​ជា​សាធារណៈ​លើ​គម្រោង​ រមណីយដ្ឋាន​បន្ទាប់​ពី​ដំណើរ​ទស្សនកិច្ច​របស់​ប្រធាន​ក្រុមហ៊ុន​នេះ​។

ប៉ុន្តែ​នៅ​ឆ្នាំ​ ២០១០ អាជ្ញាប័ណ្ណ​របស់​ក្រុមហ៊ុន Yeejia ​ត្រូវ​បាន​ដក​ហូត​ដោយ​ព្រះរាជក្រឹត្យ​ និង​បញ្ជូន​ទៅ​ក្រសួង​បរិស្ថាន​ដើម្បី​ពិនិត្យ​មើល​ផលប៉ះពាល់​ដល់​តំបន់​ អភិរក្ស​។

លោក សៅ សុភាព អ្នក​នាំ​ពាក្យ​ក្រសួង​បរិស្ថាន​បាន​ប្រាប់​ភ្នំពេញ ប៉ុស្តិ៍​កាលពី​ម្សិលមិញ​ថា​ក្រុមហ៊ុន​ Yeejia ​ទទួល​បាន​ការ​អនុញ្ញាត​ពី​ក្រសួង​ដើម្បី​សាងសង់​​នៅ​តំបន់​ការពារ​ឧទ្យាន​ ជាតិ​រាម​ដោយសារ​ពួកគេ​ទទួល​បាន​​ «ដីសម្បទាន​សេដ្ឋកិច្ច​»​។

លោក​លើក​ឡើង​ថា​៖ «​ពួកគេ​​មាន​អាជ្ញាប័ណ្ណ​ក្នុង​​ការ​សាងសង់​លើ​ដី​នោះ​ហើយ​​ពួកគេ​ត្រូវការ ​ការ​វិនិយោគ​កាន់តែ​ច្រើន​​ដើម្បី​ធ្វើ​វា​ឲ្យ​ជោគជ័យ​ដោយសារ​តែ​​ថ្មីៗ​ នេះ​វា​ខ្វះ​ទឹក​ និង​អគ្គិសនី​ប្រើប្រាស់​»​។

លោក​បញ្ជាក់​ថា៖ «​ពួកគេ​ចាំបាច់​ត្រូវ​ធ្វើការ​ខិតខំ​ប្រឹងប្រែង​កាន់​តែ​ច្រើន​ក្នុង​ការ​ អភិវឌ្ឍ​រមណីយដ្ឋាន​ដើម្បី​ធ្វើ​វា​ឲ្យ​មាន​ភាព​ទាក់ទាញ​សម្រាប់​ក្រុម​ វិនិយោគិន​»​។

លោក ថោង ខុន រដ្ឋមន្ដ្រី​ក្រសួង​ទេសចរណ៍​កម្ពុជា​ដែល​​ធ្វើ​ជា​អធិបតី​ក្នុង​ពិធី​ចុះ​ ហត្ថលេខា​នេះ​​បាន​ថ្លែង​ថា​ការ​អភិវឌ្ឍ​តំបន់​ឆ្នេរ​មាន​សារៈសំខាន់​​ក្នុង ​ការ​ទាក់ទាញ​ភ្ញៀវទេសចរ​។

ភ្នំពេញ​ប៉ុស្ដិ៍​បាន​រាយការណ៍​កាលពី​លើក​មុន​​ថា​ការ​អភិវឌ្ឍ​នេះ​​នឹង​ ចំណាយ​​ប្រាក់​ប្រហែល​ ៥ ​ពាន់​លាន​ដុល្លារ​ប៉ុន្តែ​លោក ថោង ខុន ​មិន​អាច​​បញ្ជាក់​ពី​ទំហំ​វិនិយោគ​សរុប​នេះ​ថា​មាន​ចំនួន​ប៉ុន្មាន​នោះ​ទេ​ កាលពី​ថ្ងៃ​ម្សិលមិញ​។

ពេល​សួរ​អំពី​ការ​បារម្ភ​ពី​ការ​អភិវឌ្ឍ​​លើ​ឧទ្យាន​ជាតិ​ដែល​ត្រូវ​បាន​ អភិរក្ស​នេះ​លោក ថោង ខុន បាន​ឆ្លើយ​ថា​៖ «​ខ្ញុំ​គិត​ថា​ពួកគេ​កំពុង​តែ​​ប្រុងប្រយ័ត្ន​ជាមួយ​នឹង​ផែនការ​របស់​ពួកគេ ​»​។

លោក​​បាន​​ថ្លែង​ថា​៖ «​តំបន់​មួយ​ចំនួន​ចាំបាច់​ត្រូវ​អភិវឌ្ឍ​ប៉ុន្តែ​ការ​​អភិវឌ្ឍ​ទាំងអស់​ចាំ ​បាច់​ត្រូវ​បម្រើ​ដល់​ការ​អភិរក្ស​បរិស្ថាន​»​។ លោក​បាន​បន្ថែម​ថា​ក្រសួង​​បរិស្ថាន​ចាំបាច់​​ត្រូវ​​តែ​​មាន​គោល​នយោបាយ​ ច្បាស់លាស់​មួយ​ស្ដីពី​ផលប៉ះពាល់​ការ​អភិវឌ្ឍ​​នៃ​គម្រោង​នេះ​។

កាលពី​ថ្ងៃ​ព្រហស្បតិ៍​សប្តាហ៍​មុន មុន​ពិធី​ចុះ MOU នេះ​ក្រុមហ៊ុន Jimei International Entertainment Group Ltd ជា​​ក្រុមហ៊ុន​ដំណើរ​​កម្សាន្ត​សម្រាប់​អ្នក​លេង​ល្បែង​មាន​ប្រាក់​ច្រើន​ ចុះ​បញ្ជី​នៅ​​ទីក្រុង​ហុងកុង​បាន​ប្រកាស​កិច្ចព្រមព្រៀង​ក្របខ័ណ្ឌ​មួយ​ ជាមួយ​​ក្រុមហ៊ុន​ Yeejia ដើម្បី​បង្កើត​ក្រុមហ៊ុន​វិនិយោគ​រួម​មួយ​ក្នុង​ការ​សាងសង់ «​​កន្លែង​រមណីយដ្ឋាន​កម្សាន្ត​ដែល​រួម​មាន​សណ្ឋាគារ​កន្លែង​លេង​កូន​គោល​ សួន​កម្សាន្ដ និង​អាជីវកម្ម​ទេសចរណ៍​នៅ​កម្ពុជា​។ នេះ​បើ​តាម​របាយការណ៍​ដាក់​ទៅ​ផ្សារហ៊ុន។

ខណៈ​ក្រុមហ៊ុន​ Jimei មិន​បាន​បញ្ជាក់​ពី​ទីតាំង​ច្បាស់លាស់ ឬ​ថា​តើ​នឹង​មាន​ការ​លេង​ល្បែង​ណា​មួយ​នៅ​ក្នុង​រមណីយដ្ឋាន​នេះ​ឬ​យ៉ាង​ណា​ នោះ​របាយការណ៍​នេះ​​ឲ្យ​ដឹង​ថា​ភាគី​ផ្សេង​ទៀត​ដែល​ជា​ក្រុមហ៊ុន​ចិន​ដី​គោក MCC International Incorporation Ltd មាន​បំណង​​ផ្ដល់​វិស្វកម្ម ការ​សាងសង់ ​និង​សេវា​ពិគ្រោះ​យោបល់​ដល់​ការ​វិនិយោគ​រួម​នេះ​។

ទោះ​យ៉ាង​ណា​ក្រុមហ៊ុន Yeejia មិន​បញ្ជាក់​ពី​ពេលវេលា​នៃ​ការ​បញ្ចប់​គម្រោង​ទេ​៕

NBC ជំរុញ​បង្កើន​ការ​ប្រើប្រាស់​ធនាគារ​ចល័ត

អ្នក​ប្រើប្រាស់​កំពុង​ចុច​ទូរស័ព្ទ។ ការ​ប្រើប្រាស់​ធនាគារ​ចល័ត​ទាមទារ​នូវ​ការ​ប្រើប្រាស់​ទូរស័ព្ទ​ស្មាតហ្វូន ។

ភ្នំពេញៈ ធនាគារ​ជាតិ​នៃ​កម្ពុជា​មាន​បំណង​​បង្កើន​ការ​ប្រើប្រាស់​សេវា​ធនាគារ​ចល័ត​ ជាពិសេស​នៅ​តាម​តំបន់​ដាច់​ស្រយាល​តាមរយៈ​ការ​ជំរុញ​​ឲ្យ​ជនជាតិ​កម្ពុជា​ បើក​គណនី​នៅ​​ធនាគារ​ និង​ជួយ​បង្ក​ភាព​ងាយស្រួល​ និង​សុវត្ថិភាព​ដែល​សេវា​ធនាគារ​ឌីជីថល​អាច​ផ្តល់​ជូន​បាន។

ថ្លែង​ក្នុង​វេទិកា​មួយ​នៅ​កិច្ចប្រជុំ​កំពូល​​ថ្នាក់​ជាតិ​ស្តីពី​ការ​ អភិវឌ្ឍ​វិស័យ​មីក្រូហិរញ្ញ​វត្ថុ​នៅ​កម្ពុជា​លោក​ ឧក សារ៉ាត់ ​ប្រធាន​នាយកដ្ឋាន​ប្រព័ន្ធ​ទូទាត់​នៅ NBC បាន​ឲ្យ​ដឹង​ថា​សេវា​ធនាគារ​​ចល័ត​អាច​នាំ​ប្រជាជន​កាន់​តែ​ច្រើន​​ចូល​មក​​ ផ្នែក​ធនាគារ​ផ្លូវការ​តែ​លោក​​ពិតជា​បាន​ទទួល​ស្គាល់​ថា​សេវា​ធនាគារ​ចល័ត​ ចាំបាច់​ត្រូវ​ធ្វើការ​កែលម្អ​នៅ​កម្ពុជា​។​

លោក​បាន​​បន្ត​​ថា៖ «​​សេវា​​ធនាគារ​ចល័ត​នៅ​តែ​មាន​បញ្ហា​ប្រឈម​ច្រើន​ហើយ​ត្រូវ​ផ្សព្វផ្សាយ​ ផ្នែក​នេះ​យើង​ត្រូវ​ធានា​សុវត្ថិភាព​ និង​ការ​ប្រកួត​ប្រជែង​ដោយ​ស្មើ​ភាព​»។

លោក សារ៉ាត់ បាន​ឲ្យ​ដឹង​ថា​លទ្ធភាព​ប្រើប្រាស់​សេវា​អ៊ីនធឺណិត​នៅ​​មាន​កម្រិត​នៅ​តាម​ តំបន់​ជនបទ​កំពុង​រារាំង​ដល់​ការ​ប្រើប្រាស់​ឧបករណ៍​ធនាគារ​អេឡិចត្រូនិក​ក៏ ​ដូចជា​កង្វះ​ទំនុក​ចិត្ត​​ចំពោះ​សុវត្ថិភាព​របស់​ប្រព័ន្ធ​ធនាគារ​បែប​នេះ​ ពី​សំណាក់​អតិថិជន​ និង​ប្រតិបត្តិករ​ធនាគារ​។ លោក​បាន​បន្ត​ឲ្យ​ដឹង​ទៀត​ថា​ការ​បើក​គណនី​ជាមួយ​នឹង​គ្រឹះស្ថាន​ធនាគារ​ ឬ​សេវា​ទូទាត់​ចល័ត​នឹង​កាត់​បន្ថយ​ភាព​ភ័យខ្លាច​ទាំង​នេះ​។

លោក​មាន​ប្រសាសន៍​ថា​៖ «​បើ​ពលរដ្ឋ​មាន​គណនី​ផ្ទាល់​ខ្លួន​ដោយ​មាន​អត្តសញ្ញាណ​ប័ណ្ណ​ច្បាស់​លាស់​ នឹង​ជួយ​​គ្រប់គ្រង​ហានិភ័យ​ព្រម​ទាំង​បង្កើន​ការ​សន្សំ​សម្រាប់​អតិថិជន​»។ ​

លោក​បន្ត​ថា៖ «​ការ​មាន​គណនី​ធនាគារ​កាត់​បន្ថយ​ចំណាយ​ប្រតិបត្តិការ​»​។

លោក​បន្ត​ថា​វិស័យ​ធនាគារ​ និង​ហិរញ្ញវត្ថុ​មាន​ការ​ទទួល​ខុស​ត្រូវ​មួយ​ផ្នែក​​ចំពោះ​ការ​ជំរុញ​វិស័យ​ ទាំង​នេះ​ហើយ​​ក៏​ចាំបាច់​ផ្តល់​សេវា​កាន់តែ​ច្រើន​ដល់​អតិថិជន​ផង​ដែរ​។

លោក​ថ្លែង​ថា៖ «​យើង​មាន​បំណង​ជំរុញ​ប្រតិបត្តិការ​ទាំង​នេះ​ដូច្នេះ​យើង​មាន​លទ្ធភាព​​ ប្រើប្រាស់​សេវា​ធនាគារ​ ២៤ ​ម៉ោង​ក៏​ដូចជា​ការ​ធានា​ដល់​ការ​គោរព​តាម​ស្តង់ដារ​អន្តរជាតិ​ផង​ដែរ​»។

លោកស្រី សូ ផូណារី អនុប្រធាន​ផ្នែក​ប្រតិបត្តិការ​ធនាគារ​អេស៊ីលីដា​បាន​​ឲ្យ​ដឹង​ថា​ដោយសារ​ កម្រិត​អប់រំ​ផ្នែក​ហិរញ្ញវត្ថុ​ទាប​ធនាគារ​កំពុង​ចំណាយ​ធនធាន​​កាន់តែ​ ច្រើន​ដើម្បី​ជំរុញ​អតិថិជន​ឲ្យ​ទទួល​ស្គាល់​សេវា​ធនាគារ​ចល័ត​​។​

លោកស្រី​លើក​ឡើង​ថា៖ «​យើង​ត្រូវការ​ពេលវេលា​ដើម្បី​ពន្យល់​ដល់​ពលរដ្ឋ​ហើយ​ធ្វើឲ្យ​ពួកគាត់​មាន​ ទំនុក​ចិត្ត​លើ​សុវត្ថិភាព​នៃ​ការ​ប្រើប្រាស់​ប្រាក់​តាមរយៈ​សេវា​ចល័ត​»​។

លោកស្រី​បាន​​បន្ថែម​ថា​វិស័យ​នេះ​ចាំបាច់​​ត្រូវ​ធ្វើ​ឲ្យ​ប្រព័ន្ធ​ របស់​​ខ្លួន​មាន​ភាព​សាមញ្ញ​ដើម្បី​​បង្ក​លក្ខណៈ​ងាយស្រួល​ដល់​អតិថិជន​ក៏​ ដូចជា​ការ​ប្រើប្រាស់​​ភាសា​ខ្មែរ​នៅលើ​កម្មវិធី​ទំនាក់​ទំនង​ទៅ​មក​របស់​ ខ្លួន​ផង​ដែរ​។

លោក គា បូរ៉ាន់ នាយក​ប្រតិបត្តិ​ AMK មាន​ប្រសាសន៍​ថា​បច្ចុប្បន្ន​អ្នក​ប្រើ​ប្រាស់​ទូរស័ព្ទ​ត្រឹម​តែ​ ១០ ​ភាគរយ​ក្នុង​​ចំណោម​អ្នក​ប្រើប្រាស់​ទូរស័ព្ទ​ចល័ត​ប៉ុណ្ណោះ​កំពុង​ ប្រើប្រាស់​សេវា​ធនាគារ​ចល័ត​នេះ។

លោក​បាន​បន្ត​ថា​ធនាគារ​ចាំបាច់​ត្រូវ​កែលម្អ​បច្ចេកវិទ្យា​របស់​ខ្លួន​ដើម្បី​ទាក់ទាញ​អតិថិជន​បន្ថែម​ទៀត​។

លោក​បន្ត​ថា៖ «​យើង​នៅ​មាន​អ្នក​ប្រើប្រាស់​ទូរស័ព្ទ​ ៩០ ​ភាគរយ​ដែល​មិន​ប្រើប្រាស់​សេវា​ធនាគារ​ចល័ត​នេះ​ដូច្នេះ​យើង​នៅ​តែ​ ត្រូវការ​ទាក់ទាញ​​ពួកគាត់​តាមរយៈ​ការ​ប្រើប្រាស់​បច្ចេកវិទ្យា​ និង​ប្រព័ន្ធ​ថ្មី»។​

លោក​បន្ត​ថា៖ «​​ប្រជាជន​នៅតែ​សន្សំ​ប្រាក់​​ក្រោម​ខ្នើយ​ ឬ​នៅ​ផ្ទះ​ពួកគាត់​មិន​យល់​​ពី​ការ​សន្សំ​ប្រាក់​ជាមួយ​នឹង​គ្រឹះស្ថាន​ មីក្រូហិរញ្ញវត្ថុ​ដែល​ទទួល​បាន​អាជ្ញាប័ណ្ណ​ទេ»៕

ចំណាយ​លើ​​អាហារ​​ពិភពលោក​ធ្លាក់ $៩ ពាន់​លាន

ក្រុងរ៉ូមៈ ការ​ចំណាយ​លើ​​ស្បៀង​​អាហារ​ពិភពលោក​​បាន​ធ្លាក់​ចុះ ៩ ​ពាន់​លាន​ដុល្លារ​ធៀប​នឹង​ការ​ព្យាករ​នា​ពេល​កន្លង​មក​ដោយសារ​ការ​ ផ្គត់ផ្គង់​ប្រេង​ហួស​តម្រូវការ និង​កប៉ាល់​​បាន​​កាត់​បន្ថយ​ចំណាយ​ដឹក​ជញ្ជូន​ដែល​កាន់​តែ​ជំរុញ​ឲ្យ​​មាន​ ​​ការ​ផ្គត់ផ្គង់​ហួស​តម្រូវការ​សម្រាប់​ទំនិញ​នានា​រាប់​ចាប់​ពី​គ្រាប់​​ ធញ្ញជាតិ​រហូត​ដល់​ស្ករស​នេះ​បើ​យោង​តាម​អង្គការ​សហប្រជាជាតិ។

អង្គការ​ស្បៀង​ និង​កសិកម្ម​ (FAO) របស់​អង្គការ​សហប្រជាជាតិ​បាន​ព្យាករ​​ថា​ប្រទេស​នានា​នៅ​ជុំវិញ​ពិភពលោក​ អាច​នឹង​ចំណាយ​ថវិកា​ចំនួន ១,០៧៦ ពាន់​ពាន់​លាន​ដុល្លារ​លើ​ការ​​នាំ​​ចូល​ស្បៀង​នៅ​ឆ្នាំ​ ២០១៥ ពោល​គឺ​មាន​កម្រិត​ទាប​បំផុត​ក្នុង​រយៈពេល​ ៥ ​ឆ្នាំ​។

តម្លៃ​នេះ​​ទាប​ជាង​ការ​ព្យាករ​របស់​ទីភ្នាក់ងារ​​ដែល​មាន​មូលដ្ឋាន​នៅ​ ទីក្រុង​រ៉ូម​ដែល​បាន​ព្យាករ​​កាលពី​ខែ​តុលា​ចំនួន​ ០,៨ ​ភាគរយ និង​បង្ហាញ​ពី​ការ​ធ្លាក់​ចុះ​លើក​ដំបូង​គិត​ចាប់​តាំងពី​ឆ្នាំ​ ២០០៩ មក។

ទិន្នន័យ​អង្គការ FAO បង្ហាញ​​ថា​ការ​ចំណាយ​​លើ​ការ​នាំ​ចូល​ស្បៀង​អាហារ​នេះ​មាន​កម្រិត​ទាប​ជាង​ ការ​ចំណាយ​ខ្ពស់​បំផុត ១,៣៤៥ ​ពាន់​ពាន់​លាន​ដុល្លារ​នៅ​​ឆ្នាំ​ ២០១៤ ចំនួន ២០ ​ភាគរយ​ខណៈ​ទិន្នផល​​ខ្ពស់​បាន​បង្កើន​ការ​ផ្គត់ផ្គង់​នៅ​​ទូទាំង​ពិភពលោក​ ដោយ​បាន​ជួយ​កាត់​បន្ថយ​ចំណាយ។

តម្លៃ​ប្រេង​បាន​ធ្លាក់​ចុះ​ក្នុង​រយៈពេល​បី​ឆ្នាំ​ជាប់​គ្នា​គិត​ត្រឹម​ ឆ្នាំ​ ២០១៥ ខណៈ​ប្រទេស​នានា​រាប់​ចាប់ពី​អារ៉ាប៊ី សាអូឌីត រហូត​ដល់​អ៊ីរ៉ាក់​បាន​សម្រេច​​ប្រឆាំង​នឹង​ការ​កាត់​បន្ថយ​ការ​ផ្គត់ផ្គង់​ ប្រេង​ដោយ​បាន​ជំរុញ​ដល់​ការ​ផ្គត់ផ្គង់​ប្រេង​ហួស​កម្រិត​ដោយសារ​កំណើន​ ផលិតកម្ម​ប្រេងថ្ម​សែល​នៅ​អាមេរិក។ ស្ថានភាព​ទាំងនោះ​បាន​កាត់​បន្ថយ​ចំណាយ​ដឹក​ជញ្ជូន​៕

អត្ថបទផ្សេងៗ

ថ្ងៃនេះ
ម្សិលមិញ
សរុប
257
923
4539995